بھوک ہڑتال پر بیٹھے طالب علم کی طبیعت ناساز، اسپتال میں داخل 

دہرادون۔ پیر کی صبح طلبا یونین الیکشن کے مطالبے پر ڈی اے وی میں بھوک ہڑتال پر بیٹھے طالب علم گووند راوت کی طبیعت خراب ہوگئی۔ جس پر انہیں ایمبولینس کے ذریعے کورونیشن اسپتال لے جایا گیا۔ دیگر طلباء کی ہڑتال جاری ہے۔ اسی دوران کانگریس کے کئی لیڈروں نے ڈی اے وی پہنچ کر ہڑتال کی حمایت کی۔ چھتر سنگھرش سمیتی نے کالج میں طلبہ یونین کے انتخابات کرانے کے مطالبے کے لیے ہفتہ کو کالج کیمپس میں بھوک ہڑتال شروع کر دی ہے۔ ان کا کہنا ہے کہ جب تک انتخابات کا اعلان نہیں ہوتا احتجاج جاری رہے گا۔ طلبہ رہنما انکت بشت نے کہا کہ کورونا کی وجہ سے گزشتہ تین سال سے انتخابات نہیں ہوسکے تھے، لیکن حالات معمول پر آنے کے بعد بھی حکومت انتخابات کے لیے سنجیدہ نہیں ہے۔ جبکہ طلبہ یونین کا الیکشن طلبہ کے لیے بہت اہم ہے۔ اس دوران منموہن راوت، عاقب احمد، رشبھ ملہوترا، راہول جگی ہریتھک، سمیت سریواستو اور امان بھٹناگر سمیت کئی طلبہ موجود تھے۔